Ibarrako kultur etxean Amasahara erakusketa ikusi ahal izango da bihartik urriaren 20a bitarte. Amasahara erakusketa izen bereko proiektuaren abiapuntua besterik ez da eta helburua Saharako errealitatea gerturatzea da. Hori dela eta, biharko inaugurazioarekin batera Tolosaldea Sahararekin elkarteko kideen hitzaldia antolatu dute. 18:30ean izango da hitzaldia.
Amasahara Maiatzak 20 elkartearen proiektu bat da. Elkartea 2010ean sortu zuten Oporrak Bakean programaren barruan, Saharako haurrek uda gurean emateko proiektuaren barruan, alegia.
Erakusketak 21 argazki biltzen ditu. Horietako batzuk, erretratuak dira, 2016ko udan Amasako apaizetxean egon ziren Saharako haurren erretratuak, batik bat, eta beste lan batzuk hainbat teknika erabiliz egindako artelanak dira.
Auzolanean prestatutako erakusketa da Amasahara eta jasotzen duten dirua Maiatzak 20 elkarteak duen proiektura bideratuko dute, udaran ahalik eta haur gehien ekartzeko asmoz. Izan ere, erakusketa herriz herri mugituz eta argazkietako batzuk salduz lortu nahi dute dirua.
Amasahara erakusketa Villabonan eta Zizurkilen ikusi ahal izan da jada.
Amasahara erakusketa jarriko dute eta inaugurazioarekin batera Sahararen errealitatearen berri emango dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!