Lehia horretan azkarrena, Daniel Babor txekiarra izan da, Filip Prokopyszyn poloniarraren Ivan Ruiz argentinarraren aurretik. Guztira, mundu osoko 24 txirrindularik hartu dute parte proba horretan eta Iribar izan da Espainiako selekzioarekin aritu den bakarra. Belodromoari 40 itzuli eman behar izan dizkiete txirrindulariek, 10 kilometrotako ibilbidea osatu arte. Finalera sailkatzeko proban ere, zazpigarrena izan zen Iribar. Orain, bihar jokatuko den omnium proba du begiz jota ibartarrak.
Ibarrako txirrindularia, Italiako Montichiari hirian dago, bertan ospatzen ari den pistako munduko junior txapelketan, Espainiako selekzioarekin. Atzo jokatutako scratch proban lortu du, Iribarrek, zazpigarren postua.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!