Taldea sendotzeko fitxaketetan dabil Gipuzkoa Basket, eta izen horietako bat eskualdekoa da: Gaizka Maiza ibartarrak lau urterako hitzarmena sinatu du ACBko taldearekin.
2015/2016 denboraldi amaieran aritu zen, Maiza, estreinakoz, maila gorenean, eta Porfi Fisac entrenatzaileak berriro jo du beregana, lanerako.
Hasiera batean, ibartarra Iraurgi taldean ariko da, nahiz eta entrenamenduak Iraurgin eta GBCn osatuko dituen. Talde gipuzkoarrak atzo plazaratu zuen albistea, eta guztira zortzi dira, Maizarenarekin, talde gipuzkoarrak egindako fitxaketa berriak.