100 neska-mutilek hartu dute parte Oporretan Euskaraz Ibarrako udaleku irekietan. 2 eta 10 urte arteko gazteek hartu dute parte eskolak bukatu eta pasa den astea bitarteko udalekuetan. Bai begiraleak eta baita haurrak ere, gustura aritu dira aste hauetan, aisialdiaren bidez euskara ere sustatuz.
Txikienak Emeterio Arreseko eraikinean eman dituzte asteak. Piraten, uraren edo San Fermin egunak ospatu dituzte eta batzuk Larraul eta Altzora lo egitera ere joan dira.
Parte hartzaile zaharrenak gainera, Gaztezulorekin batera, erreka garbitzen aritu ziren eta ateratako zikinkeriaren inguruan hausnartzeko tartea ere hartu zuten. Udaleku irekiak pasa den astean amaitu zituzten eta Gaztezulorekin batera, jaialdi bat eskaini zuten. Antzerkitxo bat ere prestatu zuten eta bukatzeko, apar festa izan zuten.
Ekitaldiz betetako hilabete pasatxo izan dute Ibarrako gazteek; Oporretan Euskaraz udaleku irekiak izan dituzte eta bukatzeko jaialditxo bat ere eskaini zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!