Ibarrako Alurr Dantza Taldeak atzo ireki zuen datorren ikasturteko dantza eskolan izena emateko epea. Matrikulatzea, dena den, iraila bitarte egin ahal izango da www.alurr.net webgunean dauden inprimakiak beteta. Kultur etxean ere badaude izena eman ahal izateko bete beharreko inprimakiak.
Ordutegiak webgunean daude jada eta edozein zalantza izanez gero 635 75 70 48 telefono zenbakira deitu daiteke.
BERRIKUNTZA
Datorren ikasturtean berrikuntzarik ere izango dute. Izan ere, haurren sormena eta gorputz adierazmena sustatu asmoz hilero eskola bereziak eskainiko dituzte. «Dantzak erakusteaz gain, haurren irudimena eta gorputz adierazmena landu nahi ditugu», esan dute. Bestalde, txikienei zuzendutako beste eskaintza bat ere badu Alurrek, izena eman aurretik dantza ikastea gustuko izango duten ala ez ikusi ahal izateko. Irailaren 14an eta 21ean saioak eskainiko dituzte Alurreko Azkue auzoko lokalean, 17:00etatik aurrera. «Haurren interesa neurtzeko aukera eman nahi dugu ikastaroan izena eman nahi duten ala ez jakin ahal izateko, asmoa ez da maila neurtzea».