Ibarrako III. Usakume Tiroketa uztailaren 2an, igandean, jokatuko da. Loatzo Ehiza Elkarteak antolatzen du txapelketa, eta Colombaire Tresnarekin jokatzen da. Eskopetariak goizez nahiz arratsaldez parte hartzeko aukera izango dute, 28 euro ordainduta. Usakume bakoitzaren kostua, aldiz, 4 eurokoa izango da. Izena lekuan bertan emango da.
Okobio industriguneko Elketalde zelaian, 10:00etan hasiko dira tiro hotsak. Goizeko saioa 13:00ak arte luzatuko da. Arratsaldekoa 16:00etatik 18:00etara izango da. Ondoren, sari banaketa ekitaldia hasiko da. 1.800 euro banatuko dituzte dirutan, eta horrez gain, 500 euroko bost erosketa txartel zozkatuko dira; Eizmendi Armadendan baliagarriak izango direnak.
SARIAK
III. Usakume Tiroketa
1. Txapela, trofeoa eta 500 euro.
2. Oparia eta 350 euro.
3. Oparia eta 250 euro.
4. Oparia eta 180 euro.
5. Oparia eta 150 euro.
6. Oparia eta 100 euro.
7. Oparia eta 90 euro.
8. Oparia eta 70 euro.
9. Oparia eta 60 euro.
10. Oparia eta 50 euro.
11.etik 40.era. Oparia.
Sari bereziak
Lehen erretirodunari, lehen emakumeari eta lehen juniorrari.