Ikasturtean zehar prestatutako dantzak taularatu zituzten Alurreko Errota eta Erronka taldekoek pasa den larunbatean, Ibarrako plazan. Jendetza bildu zen aurrestreinaldirako eta txalo zaparrada jaso zuten bukatzerakoan. «Garai bateko gertaerak interpretatu eta gure arbaso izan ziren gizon-emakumeen azaletan sartzea oso garrantzitsua zen. Erlijioak eta aske izan nahiak beti utzi izan baitu kode berezi bat gure larruan», esan dute. Taldeak eskerrak eman nahi izan dizkie Aiert Beobide, Iñaki Agirre, Goretti Galarra, Alazne Senperena, Ramon Garcia eta Eli Nosellasi.