Bi ostiral baliatu dituzte Ibarrako Uzturpe Ikastolako ikasleek ATARIA-ren eguneroko jarduna gertuagotik ezagutzeko. LH 5. mailako 16 ikasleren bisita izan zuen erredakzioak otsailaren 10ean eta beste horrenbeste neska-mutil gerturatu ziren San Estebango egoitzara otsailaren 17an.
Erakutsiz Ikasi programaren barruan burutu dira honako bisitak. Ordubetez erredakzio bateko eguneroko martxa ezagutu dute ikasleek: albisteen egitura, egunkari bat egiteak eskatzen duen lanketa, elkarrizketa baten aurrean nola jokatu, euskarri papera, irratia, internet ezberdinei nola erantzun...
Ondoren, ikasitakoa praktikara eramateko aukera izan zuten ikasleek. Taldeka, ATARIA irratiko estudioan sartu, kaskoak jarri eta mikrofono aurreko jardunari ekin zioten neska-mutilek.
Egun batez kazetaritza lanbidea gertuagotik ezagutzeko aukera izan zuten Ibarrako Uzturpe ikastolako ikasleek.
Erakutsiz ikasi
Erredakzioa ezagutuz
Ostiraletan 'Ataria'-k eskualdeko ikasleen bisita jaso izaten du 'Erakutsiz ikasi' programari esker. Azken bisitariak Ibarratik iritsi dira, Uzturpe ikastolatik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!