Duela bi aste Galapagarreko (Madril) pista estalian hasi zen Espainiako Txirrindularitza Kopa, eta Unai Iribarrek emaitza apartak lortu zituen.
Ibartarrak sasoiko hasi du denboraldia, eta iraupenezko probetan duen nagusitasuna erakutsi zuen jubenil mailan: lehen postua lortu zuen jazarpen eta kanporaketa probetan, eta hirugarren gelditu zen puntuaketan. Urtarrileko emaitza bikainei esker, kopako liderra da gaur egun, hurrengo jardunaldia iritsi bitartean. Hain zuzen ere, Tafallan jokatuko da, martxoaren 11n.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?