Behin lanak hasita, bi astez luzatuko dira.
Ibarrako Udalak esan duenez, aspaldiko eskaera zen bihurgune horretan konponketaren bat egitearena. "Kontuz ibili behar da bertan, bi kotxe poliki-poliki joanez gero pasatzen dira, baina arriskutsua da. Ikuseremu txikiko bihurgunea da. Oinezkoren bat joanez gero, autoak datozela entzun eta bide bazterrera sartu daiteke, baina bizikletek hartzen duten abiadurarekin, arazoak sortu daitezke", esan du udaleko Itziar Agirrezabala arkitektoak.
Errepidea 30 metroko luzeran 2 metro inguru zabaltzea da asmoa. Irailean bihurgunean zegoen Telefonikako zutabea lekuz aldatu zuten.
Lanek, proiektua kontutan hartuta, 37.237 euroko aurrekontua dute eta Gipuzkoako Foru Aldundiak 13.651 eurorekin lagunduko du, landa eremuko bideak txukuntzeko emandako diru laguntza baten bidez.