Eguraldi txarra izan zuten duela bost urte Azku Eguna antolatu zuten lehen aldian. Ordutik, Tolosako udalaren karpa eskuratzen dute urtero festa egunerako, baina primerako eguraldia ateratzen zaie.
Auzoko astoa eta kolore berdea nagusi direla goizetik abiatu dute festa. 11:00etan bota dute txupinazoa eta ondoren, haur jolas kooperatiboak izan dira. Toka eta pintxo poteoaren ostean, Aperitiff musikala izan da Ziribulio Sound-en eskutik.
Auzokoak aritu dira paella prestatzen eta bazkalostean bingoa izan dute. Aurten udalaren laguntza txiki bat izan dute Azku Eguna ospatzeko eta beraz, Pituxa Cowntu kontari ikuskizuna ekarri dute auzora. 17:30ean izango da Gaztetxulon.
Festarekin amaitzeko, Errurik gabe eta Oztopo taldeen kontzertuak izango dira. 20:30ean jai bukaera eta garbiketarekin hurrengo urtera arte agurtuko dute festa eguna.
17:00. Gaztetxulon eskulanak.
17:30. Pituxa Clowntu kontari, ikuskizuna Gaztetxulon.
19:00. Kontzertua: Errukirik gabe oztopo.
20:30. Jai bukaera eta garbiketa auzolanean.