22:00ak aldera, kalamu landareak auto batera sartzen ari zirela atzeman dituzte, eta gerora baieztatu ahal izan dute Ibarrako erdiguneko lokal batean modu ilegalean landatzen zituztela, inbernaderoak erabiliz.
Barruan landare horiek hazteko beharrezkoak diren elementuak topatu ditu poliziak, hala nola, lanparak, aireztatze hodiak eta tenperatura neurtzeko tresnak. Horrekin batera, 30 kalamu landare topatu zituzten.
Azken asteotan lokal horren inguruko bizilagunen kexak jaso ditu Ertzaintzak, marihuana usain handia zegoela argudiatuz. Ondorioz, Oriako Ertzain-etxeko agenteek kontrol dispositiboa abiarazi zuten.
Atxilotutako bi gizonezkoak guardiako epailearen aurretik igaro dira gaur goizean.