Asteak aurrera doaz eta ikastetxeek ere ikasturtearen amaiera geroz eta gertuago ikusten dute. Baina oraindik orain ikastaro eta irteeretarako tartea ere badute. Horien adibide dira Uzturpe ikastolako ikasleek ATARIA-ko lana ezagutu asmoz burutu dituzten bisitak.
Protagonistak LH2 eta LH5 mailetako neska-mutilak izan dira. Ikasiz erakutsi egitasmoaren bitartez tokian tokiko kazetarien eguneroko jardunari, egunkarien osaketari edota irratsaio baten zuzenekoari buruzko informazioa jaso dute.
LAU SAIO
Guztira lau egunetan izan dira ibartarrak TOLOSALDEKO ATARIA-n: apirilaren 29an, maiatzaren 6an, 13an eta 27an. Ostiraletan ireki dizkie bere ateak eta mikrofonoak Tolosaldeko komunikabideak informazio eske etorri diren gaztetxoei. Galderak luzatzeko lotsarik gabe eta jakinminez gerturatu dira ikasleak, mikrofono aurrean ere trebezia erakutsiz, nahiz eta ondoren biharamunean kazetari izateko prestutasun gutxi erakutsi.
Uzturpe ikastolako ikasleak egun batez protagonista bilakatu dira 'Tolosaldeko Ataria'-ko egoitzan. Bertatik bertara ezagutu dute kazetarien eguneroko jarduna eta irratian zuzenean aritu dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!