Ibarrako Udalak jakinarazi duenez Herri Bideen Inbentarioa gainbegiratu du, 2015eko azaroaren 13an egindako Tokiko Gobernu Batzarraren bilkurak berau egiteko lana Conchi Uriarteri esleitu ostean.
Hilabete hauetan zehar udalak informazio bilketa egin du eta 2016ko maiatzaren 12an egindako Osoko Bilkurak onartu zuen behin-behineko inbentarioa.
Behin osoko bilkuratik igarota, 2016ko maiatzaren 19an Gipuzkoako Aldizkari Ofizialean iragarkia argitaratu zuten, eta ondorioz, alegazio epea irekita dago maiatzaren 20tik kontatzen hasita, hilabete batez.
Gaiarekiko interesa duten herritarrek Ibarrako udaletxeko Ingurumen, Merkataritza eta Nekazaritza departamentuarekin harremanetan jarri beharko dute, eta bertan behin-behineko herri bideen inbentarioarekiko kontsulta edota alegazioak egiteko hitzordua hartu beharko dute.
Ibarrako Udaletik deialdia luzatu diete herritarrei euren zalantzak edo behar dituzten argibideak argitzera joateko gonbita eginez.