450 dantzari gerturatu dira gaur Ibarrako San Bartolome plazara. Bi urtez behingo hitzordura ez diote hutsik egin Ezpeleta, Urretxu, Berrobi, Bidania-Goiatz, Tolosa, Irura eta Ibarra bertako dantzari txikiek.
Ibarrako plazan agurra dantzatu ondoren, kalejiran abiatu dira dantza taldeak. Eguerdian bilduko dira, berriz ere plazan emanaldi nagusia egiteko.
Arratsaldez, erromeria izango da Joxe Mendizabalen eskutik eta iluntzean, taldeko helduek emanaldia eskainiko dute; Sorkuntza Tradiziotik emanaldian Alurr Dantza Eskolako talde guztiek hartuko dute parte.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?