Txiri irekiera egin dute Hauspoa elkartekoek, eta Sendi Ekintzatik eskertu egin diete herriari egiten dioten ekarpena.
Sendi Ekintzako zuzendaritzako kidea den Amaia Lasak azaldu duenez, "Hauspoatik urtean zehar lan asko egiten dute herrian, ekintza asko antolatzen dituzte, eta gure ustez merezi dute omenaldi xume hau".
Pilota eskola du Sendi Ekintza elkarteak eta pilota partidak egin dituzte ere gaur arratsaldean. Txiri irekierarekin batera, afari merienda egin dute sagardotegi giroan, trikitilari gazteekin. Ikusmina ere sortu du hainbat urdaiazpikoren zozketak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!