Abenduan inauguratu zuten haur eta nerabeen parte hartzea sustatzeko lokala Azkue auzoan. Bihar, larunbata, festa bat antolatu dute bertan 16:30etik aurrera, eta bertan izena aukeratzeaz gain haur eta helduentzako tailerrak, jolasak eta askaria izango dira.
Bestalde, lokaleko hezitzaileek jakinarazi dute hurrengo astetik aurrera lokalak ordutegi berria izango duela. 6-8 urte bitarteko haurrek asteazken eta ostegunetan joan ahal izango dute 16:30etik 18:00ra. 9-11 urte bitartekoek ere asteazken eta ostegunetan izango dute joateko aukera, 18:00etatik 19:30era. Eta 12-17 urte bitartekoek ostiral eta larunbatetan 16:30etik 19:30era.
Haur eta nerabe guztiak lokalera joatea animatu dituzte.