Albistea ezagutu eta 24 ordura, Jon Mintegiaga aske geratu zen atzo arratsaldean, 20.000 euroko bermea ordaindu eta gero. Goizean ordaindu zuten bermea, eta arratsaldean utzi zuten aske Aranjuezeko espetxean.
2015eko urtarrilaren 12an atxilotu zuen Guardia Zibilak Jon Mintegiaga, Herrira auzia-ren harira. Aranjuezeko espetxean zegoen preso, Ibarratik 500 kilometrora. Orain Mintegiaga epaiketaren zain gelditu da. Astero epaitegira joan beharko du sinatzera, pasaportea kendu diote eta beraz Espainiako estatutik ezingo du atera.