Ibarrako gaztelekuak Gabonetarako lehiaketa bat antolatu du. Comunity manager baten bila dabiltza, eta gazteei mezu hau helarazi die: «Sare sozialak gustuko dituzu? Ordenagailuekin ongi konpontzen zara? Argazkilaritza gustatzen zaizu?».
Blogger bat aurkitu nahi dute, eta horretarako nahikoa izango da argazki bat ateratzea eta argazki horrekin batera blog bat idaztea, non gaztelekuaren irekiera herritarrei jakinarazten zaien.
Argazkiak ateratzeko argazki kamera edo mugikorra erabili daiteke, eta behin argazkia aterata filtroak, Photoshop edo bestelako baliabideak erabili daitezke.
Argazkia idatziarekin batera hezibarra@gmail.com helbide elektronikora bidali behar da abenduaren 25a baino lehen.