Korrika eta bizikletan egin beharreko ibilbide luzean 79 lasterkarik amaitu dute proba. Gizonezkoetan azkarrena Julen Larruzea izan da, 01:26:20 behar izan ditu. Atzetik, erlojua 01:26:42an geldituz sartu da Endika Gartzia, eta hirugarren postuan, 01:30:29ko denborarekin helmugaratu da Aitor Perez.
Emakumezkoetan, berriz, Meritxel Henales izan da helmugaratzen lehena 01:59:11ko denborarekin. Bigarren sailkatua, Arantza Artetxe izan da 02:28:28an bukatuz ibilbidea.
Proba laburrean 19 parte hartzaile izan dira, eta guztiak gizonezkoak. Kasu honetan, Mikel Jonperena izan da azkarrena 46:20ko denbora eginez. Bigarren Xabi Kortabarria helmugaratu da 48:46an geldituz erlojua. Hirugarren sailkatuak 49:07 behar izan ditu eta Jose Manuel Amundarain izan da.
Proba hasi aurretik, Ibarran asteartean hil zen haurraren oroimenez, minutuko isilunea egin dute.