22 parte-hartzailerentzat lekua izango da Emeterio Arrese Parkeko azokan, eta nahi moduan aurkeztu ahal izango dira: bakarka edo sukaldari-laguntzailearekin.
Kopurua mugatua da, eta izen-emate dataren arabera esleituko dira suak. Antolatzaileen esku izango dira sua, gasa, Ibarrako piparrak, piper gorri eta berdeak, eta tipulinak. Hortik aurrerako osagaiak parte-hartzaile bakoitzaren esku geratuko dira, baita sukaldeko tresnak ere.
Bi eginbehar izan beharko dituzte:
Alde batetik, Piperrada bat prestatu beharko dute; bestalde, sei pintxo egin beharko dituzte, guztiak berdinak eta Ibarrako piparra osagai nagusi izanik.
Lehiaketa batean zein bestean honakoak izango dira sariak:
- Irabazleak: 200 euro
- Bigarren sailkatuak: 150 euro
- Hirugarren sailkatuak: 100 euro
Izen-emate epea hilaren 14an amaituko da, astelehenean, eta interesatuek Ibarrako Kultur Etxera joan, 943670399 telefonora deitu, ibarrakult@euskalnet.net posta helbidera idatzi edo posta arruntez honako helbidera bidali beharko da: Euskal Herria kalea 44, 20400 Ibarra.
Izen-ematearekin batera, sukaldariaren -eta laguntzailerik balego haren- izen eta abizenak, herria, telefono zenbakia eta elkarteren baten izenean parte hartuz gero, elkartearen izena adierazi beharko ditu.