Ibarrako jaiak 2015

Ohiko txupinazorik gabe baina hasi dituzte festak Ibarran

Tolosaldeko Ataria 2015ko abu. 21a, 14:05

Eguerdiko 12:00etarako jarrita zegoen hitzordua. Baina Donostiako Auzitegi batek jarritako badaezpadako neurriaren ostean, bertan behera geratu da txupinazoa. Hala ere, plazatik kalejira abiatu da eguerdian, erraldoi, buruhandi eta txarangarekin batera. 

Ibarrako haurrak izango dira protagonista jaien lehen orduetan. Bazkaria izango dute plazan eta arratsaldean jokoak izango dira umeentzat.

Hona hemen datozen egunetarako jai egitarauan jasota dauden ekitaldiak:

ABUZTUAK 21, OSTIRALA

14:30. Haurren eta gaztetxoen bazkaria San Bartolome plazan, herriko gurasoen eskutik.

16:00. Haurrentzako jokoak Txiribitu Astialdi taldearen eskutik, San Bartolome plazan.

17:30. Apar festa, Emeterio Arrese parkean.

18:00. Haurrentzako paseoak zalgurdian Asier Lopetegiren eskutik, San Bartolome plazan.

21:00. Elkartasun afaria, San Bartolome plazan.

22:30. Zezensuzkoa, San Bartolome plazan.

23:30. Herriko musikarien kontzertua. Ondoren, Gabezin taldearekin dantzaldia, San Bartolome plazan.

ABUZTUAK 22, LARUNBATA

9:00. Diana Giroarte dultzaina taldearen eskutik.

11:00. Antzinako ezkontza San Bartolome plazan Giroate dultzaina taldeak eta herriko trikitilariek alaituta, Hauspoa Kultur Elkartearen eskutik.

14:30. Txekor jatea, Emeterio Arrese parkean, Sendi-Ekintza elkartearen eskutik.

17:00. Haur eta gaztetxoentzat DJ Jon diskofesta, San Bartolome plazan.

18:00. Helduen danborradaren entsegua, Azkue auzoan.

19:30. Sokadantza Alurr dantza taldearen eskutik, Lauburu Kirol Elkartearen omenez, San Bartolome plazan.

22:30. Zezensuzkoa, San Bartolome plazan.

22:45. DJ Andoniren emanaldia, Bizi-Nahi elkartearen aurrealdean.

22:45. Helduen danborrada Iraunkorrak txarangak alaituta.

23:30. Skakeitan eta Iratzar taldeen emanaldia, San Bartolome plazan.

ABUZTUAK 23, IGANDEA
KIROLAREN EGUNA

9:00. Diana herriko trikitilarien eskutik.

10:00. Haurrentzat 3x3 futbol txapelketa, Emeterio Arrese parkean Lauburu Kirol Elkartearen eskutik.

11:00. Erretiratuentzako hamaiketakoa, Bizi-Nahi elkartea.

11:30. Toka eta bola txapelketa, Emeterio Arrese parkean Ibarrako Kirol Elkartearen eskutik.

11:30. Haur eta gaztetxoentzat toka eta bola txapelketa (6-12 urtekoek heldu batekin bikoteka parte hartu beharko dute), Emeterio Arrese parkean Ibarrako Kirol Elkartearen eskutik.

11:30. Xake gunea: Bat-bateko xake partiden erakustaldia, ikastaro txikia, xake erraldoia eta abar, Emeterio Arrese parkean, Ibarrako Kirol Elkartearen eskutik.

11:45. Tortilla patata eta edari-dastatze lehiaketa, San Bartolome plazan, Ibarrako Kirol Elkartearen eskutik.

17:30. Mendi bizikletarekin trebezia erakustaldia Markel Uriarteren eskutik, San Bartolome plazan.

18:00. ETB1-eko Kantugiro saioa Zuriñe Hidalgo eta Xabin Fernandezekin, San Bartolome plazan.

19:00. San Bartolome bezperako kanpai-jotzea eta salbea, San Bartolome eizan.

19:30. Giza proba: Ibarra eta Anoeta herrien arteko desafioa, Euskal herria kalean Ibarra Soka-tira taldearen eskutik.

22:30. Zezensuzkoa, San Bartolome plazan.

22:45. Alurr dantza taldearen «Bi punuren artean» emanaldia, Emeterio Arrese parkean.

23:30. Xeic! eta Vendetta taldearen emanaldia, San Bartolome plazan.

ABUZTUAK 24, ASTELEHENA
SAN BARTOLOME EGUNA

9:00. Diana herriko txistularien eskutik.

10:30. Meza nagusia, San Bartolome elizan.

11:30. Haurren danborrada Iraunkorrak txarangak alaituta.

12:00. Piparrak eta tomateak, San Bartolome plazan, herriko baratze zainek, Zubelzu Piparrak etxeak, Ibarlur Piparra Kooperatibak eta Txumitxak eskaini eta zerbitzatuta.

18:00. Pilota partidak, Belabieta pilotalekuan, Sendi-Ekintza pilota eskolaren eskutik:
• Jubenilak: Ander Plazaola- Aitor Eraunzetamurgil / Ander Jauregi-Eneko Morales.
• Afizionatuak: Mikel Rafael-Mikel Elola / Mikel Belloso-Iñigo Altuna.

18:00. Dantza solte txapelketa, San Bartolome plazan.

20:00. Bertsolarien emanaldia: Andoni Egaña, Amets Arzallus, Adur Gorostidi eta Iñigo Gorostarzu, Emeterio Arrese parkean.

21:00. Barrikotea, San Bartolome plazan (norberak bere afaria eta baxera eraman beharko du).

22:30. Zezensuzkoa, San Bartolome plazan.

23:30. Belarmiñak eta Lain taldeen emanaldia, San Bartolome plazan.

ABUZTUAK 25, ASTEARTEA
KUADRILLA EGUNA

9:00. Diana Giroarte dultzaina taldearen eskutik.

11:45. Kuadrillak San Bartolome plazan elkartuko dira.

12:00. Kuadrillen kalejira Bonberenea txarangarekin eta Giroarte dultzaina taldearekin batera.

14:30. «Gure esku dago» argazki erraldoia, San Bartolome plazan.

14:45. Kuadrillen bazkaria, Emeterio Arrese parkean.

18:15. Eonian elektrotxarangarekin kuadrillen kalejira herrian zehar.

18:30. Saltoka taldearekin dantzaldia, San Bartolome plazan.

22:30. Zezensuzkoa, San Bartolome plazan.

00:00. Osasun etxetik San Bartolome plazaraino piparra eramango da eta ondoren erreko da.

00:45. Zesuma taldearekin dantzaldia, San Bartolome plazan.

2:30. Kuadrillen arteko jolasak, San Bartolome plazan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!