Bi hilabeteko oporrak eta gero bueltatuko dira lanera. Pasa den denboraldiarekin aldaketaren bat izan dute, izan ere, Aitor Arevalo entrenatzaileak uztea erabaki du bi denboraldi eta gero.
2015-16 denboraldian Endika eta Balerdik jarraituko dute atezain moduan, eta Cristian, Aitzol, Unai, Uzkudun, Garmen, Txipi eta Loitzunek ere jarraituko dute. Xabier Zuriarrain eta Iraitz Olasagasti izango dira jokalari berriak. Zuriarrain Lauburuko jubenilen taldetik dator eta Olasagasti Debabarrenako Concepto Egile taldetik. Jokalari hauekin batera beste seik egingo dute aurredenboraldia proba moduan.
Lauburuk jakinarazi duenez plantilla ez dute erabat itxi oraindik, eta jokalari berriak ikusten jarraitzen dute. Nahiz eta dituzten jokalariekin, 13 jokalari eta 4 atezain, nahikoa dute oraingoz.
Lauburukoek 25 urteurrena ospatuko dute datorren denboraldian eta euren nahia lehen postuetan aritu eta jokalariak prestatzen jarraitzea da. Era berean, bazkideak egiteko kanpainarekin jarraitzen dute. Bazkide egin nahi dutenek taldeko bulegoetara edo Danon Txokoa tabernara jo dezakete.