Espainiako Txapelketatik bi dominarekin itzuli da Iribar

Denboraldi bikainari amaiera ezin hobea emateko, bi domina irabazi ditu asteburu honetan Unai Iribarrek Euskadiko selekzioarekin, Lorcan jokatu den Espainiako txapelketan.

Oriako Limousineko txirrindularia erlojupekoan eta taldekakoan nagusitu da.

Lehen domina erlojupekoan lortutakoa izan zen, larunbatean. Ibilbidea beretzat oso egokia izan ez arren, hirugarren postua eta brontzezko domina lortu zituen ibartarrak.

Igandean berriz, errepidean lineako lasterketan zazpigarren helmugaratu zen, eta euskal selekzioko hiru kide lehen hamarren artean sailkatu zirenez, taldekako sailkapenean gailendu egin ziren, urrezko domina lortuz.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!