Ibarluzea maiatzaren 19an atxilotu zuen Guardia Zibilak 'Araña III' operazioaren barruan, "terrorismoa goratzea" egotzita, eta egunean bertan utzi zuten aske, deklaratu ostean. Hurrengo egunean, bizipenak kontatu zituen ibartarrak elkarrizketa honetan.
Aste honetan, berriz, gutun bat iritsi zaio etxera, eta bertan kasua largetsi dutela adierazi diote. Honek zer esan nahi du? Guztiz ez bada ere, artxibatuta egongo dela kasua. Deliturik egiten ez badu, ez da berriro zabalduko eta ez du inolaz ere deklaratzera edo epaitegietara joan beharko.
"Poz handiarekin" hartu du berria Ibarluzeak: "Ez nuen espero, eta sekulako lasaitua hartu dut". Sare sozialetan ere jaso duen babesa eskertu du ibartarrak:
Amaitu da amesgaiztoa! Milesker denoi emandako babesagatik ☺
— Iker I. (@IbarluzeaIker) July 2, 2015