Ibarrako komertzioak eta piperrak erdigunean jarriz, kamera hartu eta irudiak izozteko proposamena egin dieten, aurten, Ibarrako merkatariek, herritarrei. Datorren urteko egitaraua osatzeko asmoz, herria ibartarren begietatik ere ikusi nahi izan dute, eta jada ezagutarazi dituzte lau saridunak.
Hiru maila bereizi zituzten hasieran, haurrak, gaztetxoak eta helduak lehiaketara deituz, baina, azaldu dutenez, ertainen kategoriara mugatzea erabaki dute, gainontzekoetan ez baitute ia argazkirik jaso. Horrela, bada, 14 parte hartzaile ingururen artean Aimar Odriozola, Alex Txoza, Josu Blanco eta Maider Romero suertatu dira irabazle, 50 euroko txeke bana saritzat jasoz.