Frantziatik atzo abiatu ziren Volvo Ocean Race-eko parte hartzaileak, Suediara iristeko asmoz. Itsas lasterketako azken etapa ari dira lehiatzen, hau da, podium-a bertan erabakiko da.
Xabi Fernandez ibartarra Mapfre ontzian doa, eta azken aurreko etapa bigarren amaitu ondoren, animoz beterik doaz. Sailkapen orokorrean Mapfre bosgarren postuan doa, 34 punturekin. Team SCA laugarren doa, 33 punturekin, eta Team Alvimendica hirugarren, 32rekin. Ondorioz, Fernandezen ontziak podiuma bi puntura dauka. Abu Dhabi izeneko ontzia doa lehen postuan, 25 punturekin, eta Team Brunel bigarren, 31rakin. Etapa bakoitzean irabazleak puntu bat irabazten du, bigarrenak bi, hirugarrenak hiru eta horrela zazpigarren postura arte.
Azken etapak bi zati ditu, Holandan atsedenaldia izango baitute. Aurreikuspenen arabera La Hayara larunbatean iritsiko dira ontziak. 24 ordu geldirik egon ondoren ekingo diote Suediarako zatiari. Horretarako hiru egun beharko dituztela esan dute antolakuntzatik. Gotemburgon jakingo da Xabi Fernandezen Mapfre ontzia zein postutan gelditzen den sailkapen nagusian.