Larunbatean Belabietan jendez bete zen, ohorezko mailako jubenilen areto futbol partida ikusteko asmoz. Lauburu Mahalak Espainiako Koparen lehen kanporaketa jokatu zuen bertan, eta partida bina amaitu ondoren, 1-3 galdu zuen penaltietan, Granadako Asmial Mutrayil taldearen aurka.
Kanpotarrak lehen minutua pasa orduko aurreratu ziren markagailuan. Berdinketaren gola kostata iritsi zen, 36. minutuan. Luzapenean etxekoak aurreratu ziren, baina penalti bikoitz batekin berdinketa jarri zuten Granadakoek.
Penaltietan kanpotarrak nagusitu ziren, Lauburu Mahala Kopatik kanpo utziz.
Lauburuko arduradunek Granadarrak zoriondu zituzten, alde batetik. Bestetik, Txubelen mutilentzat ere hitz gozoak izan zituzten, eginiko esfortzua eta emandako irudia eskertuz.
Aipatu harmailetan Euskal Selekzioko ordezkaritza bat egon zela.