Mendi ibilaldia, bazkaria, zozketa, hitzaldia.... Denetarik izan dute lasterkariek aurtengo Euskaltrail egunean. Horrez gain, ohikoa den bezala, bazkalostean sari banaketa ere egin dute. Hain zuzen ere, 2014ko Euskaltrail sariak banatu dituzte.
Lasterketari onenaren saria Zegama-Aizkorrik jaso du, eta Ainhoa Txurruka izan da lasterketaren izenean saria jaso duena. Aurtengo aipamen berezia, berriz, Jokin Lizeagak jaso du. Korrikalari onenaren saria, Maite Maiora eta Aritz Ejeak jaso dute.
Horrez gain, mendi lasterketetako euskal selekzioko kideek ere prentsaurreko bat eskaini dute, aurtengo denboraldirako izango diren berrikuntzen berri emateko. Aipatu aurten oraindik taldea osatuko duten kideak zehazteke daudela. Izan ere, lasterketa ezberdinetan jasotako emaitzek bestelako lasterketatan parte hartzeko baliagarriak izango baitira. Horrez gain, lehenengo aldiz Espainiako Ultra txapelketetan eta Km Bertikal lasterketetan parte hartuko dute.