Euskal Herriko Goma Gaineko Sokatira Txapelketa aurrera doa, eta une honetan, 8X8ko lehiak jokatzen ari dira. 405 kilotan Ibarrak lehen postua lortzeko aukera handiak ditu.
Bi jardunaldi jokatu dira hiru talderen artean, eta lehenengoan bigarren gelditu baziren ibartarrak, bigarrengo jardunaldian lehen postua eskuratu zuten, asteburuan, Bilbon. Hirugarren jardunaldian erabakiko da dena, eta Gaztedi izango da garaitu beharreko aurkaria.
640 kilotan zailagoa izango dute ibartarrek. Abadiño A eta Ñapurrak pisu horretan indartsu daudela erakutsi dute, eta lehen bi jardunaldietan puntu gehienak eurek lortu dituzte.
Guztia larunbat honetan erabakiko da, Aian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!