Laguntza asistentziala ematen die euskal preso eta iheslariei Harrera Elkarteak, behin espetxetik atera edo erbestetik itzuli ondoren. Horretarako, euskal herrietan bazkide kanpaina ari dira egiten, laguntza ekonomikoak bilduz, ekimena aurrera ateratzen.
Bazkideek diru ekarpena egiteko aukera dute: urtean 60 euro. Bi aukera daude ordainketa egiteko: urtebeteko kuotaren bidez, 60 euro ordainduz, edo sei hilabeteko kuotarekin, 30eko bi ekarpen eginez. Harreraelkartea@gmail.com helbidera idatzita informazio gehiago lor daiteke.
Harrera elkarteak, besteak beste, ondorengo laguntza ematen die preso eta iheslari ohiei, gizarteratzean laguntzeko: Arlo juridiko-administratiboan; osasungintzan; asistentzia ekonomikoan eta lan munduan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!