Lan esparru eta interes ezberdineko lau partaidez osaturik dago 789 taldea. Baina helburu komun bat dute: ibarrako piparrak gastronomian zuen txokoa berriro ere berreskuratzea. Hori dela eta, hainbat ekimen jarri zituzten abian udara aurretik. Esaterako, Uzturpe Ikastolarekin piparraren zikloa programa (landatu, bildu eta dastatu) abiarazi zuten; argazki eta bideo lanak egiten hasi ziren, edota interneten presentzia indartu zuten.
Bada, oraingoan, ibarrako piparraren inguruko kantua egin dute herriko musikarien laguntzaz. Ez da, ordea, ekimen bakarra izango, eta "sopresa gehiago" dituztela aurreratu dute: "batzuk aurkezten ari gara, eta beste batzuk forma hartzen joan ahala aurkeztuko ditugu: argazki galeriak, bideoak, dastaketak, hitzaldiak eta produktu berriak".