Egur tailan, altzarien errestaurazioan, pinturan, eskulanetan eta ehoziri tailerretan egindako lanak ikusi ahal izango dira, besteak beste erakusketan.
Urteko sasoi honetan ohikoa den moduan, urtean zehar ikasitakoa erakusten ari dira Ibarrako kultur lantegietako ikasleak. Ibartar asko dira urtean zehar kultur tailerretan parte hartzen dutenak, eta horietatik askok urtez urte errepikatzen dute, gainera. Beraz, euren artista dohainak handituz doazela erakutsiko dute batzuk, eta besteek berriz, artista izateko hastapenetan daudela. Ibarrako kultur etxean jarri dute erakusketa oparoa ikusgai, eta hilaren 11ra arte egongo da zabalik. Goizez 09:30etik 14:00etara bisitatu ahalko da, eta arratsaldez, asteakenetan, 16:00etatik 18:00etara.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!