Horren harira, herriko Uzturpe Ikastolarekin sinatu duten hitzarmena azpimarratu behar da. Lauburuk teknifikazio laguntza emango die ikastetxeko ikasleei eta begiraleei. 100 lagunetik gorak jasoko dute zerbitzu hori. Areto futbola gertuagotik ezagutzeko helburuarekin ariko da lan horretan Lauburu.
Bestalde, zuzendaritzan aldaketak iragarri dituzte Ibarrakoek. Orain arte hiru kide zeuden, eta denboraldi berriari bederatzik ekingo diote. Presidente aldaketa ere egongo da, izan ere, Jon Ander Carrerak bere lekua utziko dio Juan Pablo Zubelzu Txubeli. Taldetik Carrerari eskerrak eman nahi izan dizkiote azken urteetan egindako lanagatik.