Ibarran agur esan diete aurtengo gazte festei. Ostiralean txupinazoaren ostean, pilota txapelketako finala izan zen Emeterio Arresen, eta bertan bildutako jendearekin bat eginez aurten sagardo dastaketa ere bertan egin zuten. Honen ostean, barrikotea eta gaua luzatzeko kontzertuak izan zituzten, besteak beste. Larunbatean, umeen jokoak, dantza, txokolate jatea, bertso poteoa eta kontzertuak izan zituzten. Igandean ere, oraindik indarrak zituenarentzat Bi bala taldearen musika eta talo jatea antolatu zituzten. Honenbestez agurtu zituzten aurtengo gazte festak datorren urtera arte.