Ibarran bizi den oiartzuar batek memoriaren basoarekin lotuta deklaratu behar izan du

Ataria 2014ko ekainaren 4a
Deskargatu Info Ahotsak :
Español English Français Català Galego

Intxaurrondon deklaratu behar izan zuten atzo
Guardia Zibilak atzo, bost pertsona atxilotu zituen Oiartzunen, Aritxulegin ETA goretsi dutelakoan. Atxiloketekin batera beste sei lagunek deklaratu behar izan zuten Intxaurrondon, eta horien artean bada Ibarran bizi den oiartzuar bat. Atxilotuak ez dituzte inkomunikatu eta gaur eramango dituzte Espainiako Auzitegi Nazionalera, Pablo Ruz epailaren aurrera. Atzo deklaratu zuten beste sei pertsonetako bost inputatuta daude, tartean Ibarran bizi dena, eta besteak lekuko gisa deklaratu zuen. Epailearen erabakiaren zain geratu dira bost inputatuak.

Espainiako Barne Ministerioak esan du atxilotuek eremu publiko bat baliatu nahi izan dutela "hildako etakideak gurtzeko, omendaldi iraunkorrerako leku enblematiko bat sortu eta haien memoria gorde, jarduera terrorista legitimatu eta erakundearen ideiei eusteko".

Barne Ministerioak dio Gudarien Basoa izena emanik, 239 haritz landatu dituztela, hildako ETAko kide bakoitzeko bat. Guardia Zibila goizean ibili zen atzo, Aritxulegin, eta aipatu basoa eraitsi zuen, aldaxkak eta plaka txiki ugari eramanda.

Politika Ibarra

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!