Egues eta Txemak irabazi dute Karlatz Garagardotegiko mus txapelketa

Asier Imaz 2014ko mar. 15a, 14:43
Ibarrako I. Mus Txapelketa Herrikoia atzo iluntzean hasi zen. Lehen txapelketa Karlatz Garagardotegian jokatu zen, eta 14 bikotek eman zuten izena. Lehen bi sailkatuek finalerako txartela lortu zuten: Egues-Txemak eta Aristondo-Jabik.

Ibarrako Karlatz Garagardotegian mus gaua izan zen atzokoa. 28 jokalari ibili ziren karta jokoan, Ibarrako I. Mus Txapelketaren lehen jardunaldian. Bigarrena hurrengo ostiralean jokatuko da Gaztelubide tabernan. Bertan izena emateko epea 22:00etan zabalduko dute, eta edonork parte hartu ahalko du, Karlatzen jokatu edo ez jokatu.

Finalerako txartela atzokoan lehen bi bikoteek eskuratu zuten, baina horrez gain, euren postuei zegozkien sariak jaso zituzten. Lehen bikoteak 140 euro eraman zituen etxera, inskripzioaren %50. Beste erdia, finalean banatzeko jaso zuten antolatzaileek. Bigarrengoek tabernak jarritako saria irabazi zuten. Kasu honetan, lau lagunentzako afaria, Karlatzen.

Subegi Kultur Elkarteko kideek, antolatzaileek, eskerrak eman zizkien parte hartu zuten guztiei, eta "nola ez, Karlatz Garagardotegiko kideei".

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!