Ibarrako sokatira taldeak laugarren postua eskuratu du Euskadiko 680 kiloko txapelketan

Jardunaldi bakarra jokatu da gizonezkoen 680 kiloko sokatira txapelketan, 8x8koan, eta bertan erabaki da aurtengo irabazlea. Abadiño izan da garailea, bigarren Zudaide, ondoren Sokarri, laugarren Ibarra, bosgarren Murueta, seigarren Nabrniz eta azkena 6 Conceyos. Gizonezkoen 640 kiloko mailan eta emakumezkoen 540 kiloko mailan asteburuan jokatu da lehenengo jardunaldia, eta laugarren eta bigarren egin dute hurrenez hurren.

Gizonezkoetan, zazpi talde aritu dira eta lehen jardunaldiko irabazlea Ñapurrak izan dira, 6,5 punturekin. Puntu berdinak lortu ditu Sokarrik. Ibarra, laugarren eginez, 4 puntu eskuratu ditu. Emakumezkoetan, lau taldea ari dira lehian, eta lehen jardunaldian Gaztedi izan da irabazlea 4 punturekin. Ibarrak, bigarren, 3 puntu lortu ditu.
Bigarren jardunaldia, bi mailetan, hilaren 19an izango da, Gatikan (Bizkaian), 11:30ean hasita.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!