Udalak herritarrei egin die dei Sahararako gaiak udaletxera eramateko. Jasoko dituzten elikagaiak arroza, lekaleak, pasta, hegaluzea eta sardinak oliotan, azukrea, eztia eta olioa dira. Era berean, konpresak eta helduentzako eta haurrentzako pixoihalak ere behar dituzte. Eta baita eskolarako materiala ere. Materiala hilaren 24a bitarte jasoko dute.
Lagundu nahi dutenek aipatutako gaiak udaletxera eraman beharko dituzte 09:00etatik 14:00etara; kultur etxera 10:00etatik 13:00era, edo 15:30etik 21:00etara; edo Uzturpe ikastolara eskola orduetan.