Lauburu KE Ibarrak puntu garrantzitsua lortu zuen asteburuan Zaragozan. Etxeko taldeak azken segunduetan markagailuan aurretik zihoan, baina bederatzi falta zirela, Uzkudunek jaurtiketa gogor bat atera eta hirunako berdinketa jarri zuen markagailuan.
Partida maldan gora jarri zitzaien eskualdekoei, seigarren minutuan Zaragozak lehen gola lortu baitzuen. Colo-Colo taldeak, ordea, berdinketaren gola jaso zuen Fher-en oinetatik, penalti baten ondorioz. Etxekoek ez zuten amore emateko asmorik, eta berriro hartu zuten aurrea. Atsedenaldian markagailuak 2-1 erakusten zuen. Bigarren zatian aldea handitu egin zen, ibartarren kalterako eta Colo-Colokoen onerako. 3-1ekoarekin hasi ziren eskualdekoak maila hobetzen. Joko on horren ondorioz, Arrosek bigarren gola lortu zuen ibartarrentzat, eta Uzkudunek, berdinketarena.
Aitor Arevalo ibartarren entrenatzailea ez zen Zaragozan izan asteburuan, senide bat zendu baitzitzaion. Laurubu KE Ibarrako zuzendaritzak, prestatzaileek, jokalariek eta laguntzaileek elkartasuna azaldu diote Aitor Arevalori une gogor horietan.