Bihar hasiko da Bigarren B maila Nazionaleko denboraldi berria Ibarrako Lauburu areto futbol taldearentzat. Madrilgo Inter Movistar taldearen aurka jokatuko dute lehen partida. Etxean jokatuko dute ibartarrek, Belabieta kiroldegian, 18:00etan hasita.
Aitor Arevalo entrenatzaileak adierazi duenez, «ilusio handiarekin» ekingo dio denboraldia Lauburuk. «Liga polita izango da eta lehia bizia nagusituko da, taldeen artean oreka handia baitago», adierazi du.
Bestalde, taldetik gogoratu dute bazkide egiteko aukera zabalik dagoela. 30 euro kostako da, eta bazkide direnek doan joan ahalko dute partida guztietara.