Ibarrako Udalak abian jarri du aurtengo San Bartolome jaietako egitaraurako bozeto lehiaketa. Ibarrako gaztetxo guztiek parte hartu ahalko dute lehiaketan, eta marrazkiak ekainaren 28a baino lehen aurkeztu beharko dituzte.
Gaia librea da, baina, jai egitaraurako marrazkia aukeratu behar denez, gaiarekin zerikusia izan behar dutela azaldu dute. Teknika librez egin ahalko dira marrazkiak, folio neurrikoak izan beharko dute, eta San Bartolomeak 2013 jarri beharko du, eta Ibarrako armarriak ere azaldu beharko du.
Festa batzordeak izendatutako ordezkariek osatuko dute epaimahaia, eta beraiek aukeratuko dute irabazlea. Abuztuan jakinaraziko dute epaitza.