Zona Norte Txapelketako 4. lasterketan, zazpigarren postua lortu zuen Ibarra Racing taldeko Koldo Alonsok, Series 600 mailan.
Eguraldiaren gorabeherek entrenamendu neurtuak baldintzatu zituzten, izan ere, gidariek gurpilak bi aldiz aldatu behar izan zituzten, lurzoru bustira eta lehorrera egokitzeko.
Lasterketa irteerarako laugarren postua lortu zuen Alonsok, eta lehen bi itzulietan lasterketaren buruan jarri zen. Zortzigarren itzulian, ordea, gurpila zulo batean sartu zitzaion, eta gidaria lurrera bota zuen motorrak. Denbora gehiegi galdu zuen hemen, eta erorikoaren unean bigarren zihoanari alde nabarmena ateratzen zion arren, lasterketa zazpigarren postuan amaitu zuen ibartarrak. Hala ere, itxaropentsu dago urriak 23ko Zona Norteko azken lasterketarako.