Gipuzkoako Foru Aldundiak Hernialdeko banderaren aldaketa onetsi du foru agindu batean. Aurrerantzean, kolore urdineko hondo batekin, kolore marroiko muino batzuen gainean zuhaitz berde bat agertuko da banderan.
Udal armarriaren irudikapenean dagoeneko ez dira agertzen koroa eta lepokoa, «elementu osagarriak eta apaingarriak besterik ez zirelako». Halaber, armarriaren hondoa zilarrezkoa zen lehen, eta urdina orain.
Hernialdeko osoko bilkuran hasierako onespena eman zitzaion 2025eko urrian ikur aldaketari. Hilabetez jendaurrean jarri eta inolako erreklamaziorik aurkeztu ez zenez, behin betiko onespena eman zitzaion aurtengo ekainaren 1eko osoko bilkuran.
Irailaren 11n argitaratutako foru arauarekin amaiera eman zaio administrazio bideari. Hernialdek, beraz, ofizialki bandera berria du.