Kultur Eguna dute Hernialden, eta horretarako egun osoko egitaraua antolatu dute. Goizean, Kutsidazu bidea, Ixabel horma-irudiaren inaugurazioa egin dute pilotalekuan, eta horren ostean, hasiera eman diote aurtengo azokari. Izan ere, bigarrenez antolatu dute artisau azoka.
Artisau eta ekoizle ugarik parte hartu dute aurtengoan, eta tartean izan da ATARIA ere. Herritarrek ere ekarpena egin nahi izan diote azokari: elkartean pintxoak eta edariak banatu dituzte eta herriko haurrek egindako eskulanak ere erakutsi dituzte. Txikienentzako tailerrak izan dira tartean, eta herritarren lanekin erakusketatxo bat ere muntatu dute.
Eguerdina, bazkari herrikoia egin dute, eta ondoren, toka txapelketa. Arratsaldean ere izango da zertaz gozatu:
- 15:30. Haurrentzako puzgarriak.
- 17:00. Txokolatada.
- 18:30. 'Haurreskolari' Tio Teronen Semeak taldearen ikuskizuna frontoian.