Gaur goizean jokatu da Hernialden II. Artzain Txakur Txapelketa. Ilarduiako (Araba) Joxe Mari Jauregik Txipi txakurrarekin irabazi du lehiaketa. Iaz lehen tokian geratu zen Ataungo Aitor Tato Fidel txakurrarekin, eta aurten bigarren tokian sailkatu da.
Ikusmina piztu du bigarrengo aldiz Hernialdeko festen barruan antolatu duten txapelketak. Herri sarrerako belazeetan antolatu dute eta sei parte hartzaileek euren txakurren laguntzaz hainbat ariketa egin behar izan dituzte. Hauxe izan da azken sailkapena.
- Joxe Mari Jauregi Txipi - 347 puntu
- Aitor Tato Fidel - 282 puntu
- Migel Arregi Goiz - 195 puntu
- Jabier Zubiaurre Argi - 90 puntu
- Jon Ander Leunda Loki - 79 puntu
- Mikel Kalderon Sua - 13 puntu
Hau da festetako azken egunerako prestatu duten egitaraua Hernialden:
- 14:00. Erretirodunen bazkaria.
- 17:30. Korrontzi musika taldea.
- 19:00. Patata tortilla lehiaketa, txarangak giroturik.
- 21:00. Zahagiardoa.
- 00:00. Su artifizialak.
