Gaur eman diete hasiera herriko festei Hernialden. Suziria lehertu aurretik, hamaiketakoa egin dute herritarrek soziedadean, eta 12:00etan jaurti duten suziriarekin eman die ofizialki hasiera festei. Jarraian; toka txapelketa egin dute, eta 14:00etan bazkarirako elkartu dira herritarrak. Orain bingoa egingo dute, eta arratsaldean zahagi ardoaz eta musikaz gozatzeko aukera egongo da.
Datozen bi egunetan festak ez du izango etenik, eta hau izango da Hernialdeko festen egitaraua:
ABUZTUAK 14, ASTELEHENA, HAUR ETA GAZTEEN EGUNA
- 11:00. Kulki haur jolasak.
- 13:30. Haur eta gazte bazkaria.
- 17:00. Potx eta Lotx pailazoak.
- 19:00. Bertso saioa. Maialen Lujanbio, Aitor Mendiluze, Sebastian Lizaso eta Andoni Egaña. Gai jartzailea: Unai Elizasu.
- 20:30. Herri afaria.
- 23:30. Kanpora sartzen antzerkia.
- 00:30. DJ Txispi.
- Ondoren. Goizaldera arte txosnan musika.
ABUZTUAK 15, ASTEARTEA, ANDRA MARI EGUNA
- 11:00. Meza.
- 12:00. 30. Sagardo Txapelketa. Parte hartzaileak: Lizeaga, Petritegi, Izeta, Barkaiztegi, Gaztañaga, Aburuza eta Alorrenea.
- 18:00. Korrontziren emanaldia.
- 19:00. Etxeberria aita semeak.
- 20:30. Zahagi ardoa musikaz girotua.