Gaurkoa ez da ohiko tailer bat izan; tailer magikoa izan da. Eguraldiak ere bultzada handia eman dio Hernialdeko kaskoaren miresgarritasunari, eta haur eta gaztetxoenentzat prestatutako egitaraua biribil doakie momentuz.
May Gorostiagaren eskutik, hainbat diziplina ezagutzeko tailerrak izan dituzte haurrek, eta guztia ibilbide batean txertatu dute. Frontoiko arkupean zuten hasiera, eta plano txiki baten bitartez, osatu beharreko diziplinak azaldu dizkiete neska-mutilei: parkean burbuila erraldoiak; parke aldameneko zuhaizpean ipuin kontatzea; plazan, zirkuko hamaika ariketa.
Froga bakoitza bukatzerakoan objektu txiki bat jaso dute, eta harekin hasiera puntura itzuli. Txoko guztietan aritu eta objektu guztiak bilduta, haur bakoitzak txotxongilo bat eramango du etxera.
Behin jolasa bukatuta, magia ikuskizuna izango da, guztientzat.