80 parte hartzaile, Hernialdeko Rolleski igoeran

80 parte hartzaile, Hernialdeko Rolleski igoeran

Hernialdeko Rolleski Igoeraren 18. edizioa jokatuko da, larunbatean, Alpino Uzturre Elkarteak antolatuta.

Azken urteotan egin izan duten moduan, Anoetatik irtengo dira eskiatzaileak 16:00etan eta Hernialdeko plazan amaituko dute lasterketa. Rollerskia bi gurpileko zati metalikoa da, fondoko eskiatzaileek elurra iritsi bitartean asfaltoan entrenatzeko erabiltzen dutena.

Txoko askotatik etorritako 80 parte hartzaile inguru espero dituzte larunbatean Hernialden: gipuzkoarrak, arabarrak, nafarrak, aragoiarrak edota madrildarrak. Informazio gehiagorako edo izena emateko, info@alpinouzturre.eus helbidera idatzi edo 943 65 27 89 telefonora deitu daiteke.

Lasterketak irauten duen denboran, 16:00etatik 16:30era, Anoeta eta Hernialde arteko errepidea itxita egongo da, segurtasunagatik.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!