Ertzaintzak gizonezko bat atxilotu du, goizaldeko 01:30ak aldera, Hernialde eta Anoeta artean, bere baserritik ehiza eskopeta batekin bi tiro botatzeagatik. Segurtasun Sailak jakinarazi duenez, inguruetan marihuana eremu bat dago eta jabeak lapurrak zebiltzala pentsatu du.
Ertzaintza patruila batek, Anoeta eta Hernialde inguruan zebilela, baserri batetik bi tiro antzeman ditu. Jabeak, inguruan lapurrak zebiltzala pentsatuta, 12 kalibreko arma tirokatu du. Ustezko egilea, 75 urteko gizonezkoa, atxilotu dute agenteek eta ertzain-etxean dago une honetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!